काठमाडौं, कार्तिक १२ । आइसिसी पुरुष क्रिकेट विश्वकप लिग–२ अन्तर्गत नेपाल अमेरिकासँग पराजित भएको छ ।
अमेरिकाको डालसस्थित ग्रान्ड प्रेरि स्टेडियममा राति भएको खेलमा २८७ रनको लक्ष्य पाएको अमेरिकाले नेपाललाई ३ विकेटले पराजित गरेको हो ।
टस हारेर पहिले ब्याटिङ पाएको नेपालले निर्धारित ५० ओभरमा १० विकेट गुमाएर २ सय ८६ रन बनाएको थियो । तर अमेरिकाले निर्धारित ओभरको २ बल बाँकी छँदै ७ विकेटको क्षतिमा र्नै जीत हासिल गरेको थियो ।
नेपालका लागि कप्तान रोहित पौडलले ७५ बलमा ९६ रन बनाए । आशिफ शेखले ५३ बलमा ५२ रन बनाउँदा कुशल भुर्तेलले २८ बलमा ११ रन, आरिफ सेखले एक छक्का र दुई चौका प्रहार गर्दै ४५ बलमा ३७ रन बनाए।
यस्तै दीपेन्द्रसिंह ऐरीले १७ बलमा १३ रन, गुल्सन झाले ३ बलमा एक रन, सोमपाल कामीले चार बलमा दुई रन, सन्दीप लामिछानेले ११ बलमा ५ रन र करण केसीले तीन बलमा तीन रन बनाएर आउट भए । नेपालका लागि ललित राजवंशीले एक बलमा एक रन बनाए।
अमेरिकाका लागि नोसथुस केन्जिगेले सर्वाधिक चार विकेट लिए भने सौरभ नेत्रावलकरले दुई विकेट लिए । जसदीप सिंह, हरमित सिंह र स्याड्ली भान श्यालवाएकले समान एकएक विकेट लिए। नेपालले दोस्रो खेल मङ्गलबार स्कटल्याण्डसँग खेल्नेछ ।
Published Date: 28 October 2024
