काठमाडौँ, असोज २५ । बिपी राजमार्ग १४ दिनपछि एकतर्फी खुलेको छ । दशैमा घर जानेलाइ अन्तिम समयमा भएपनि केही राहत भएकाे छ ।
असोज ११ र १२ गतेको बाढी पहिरोले पूर्णरुपमा अवरुद्ध भएको बीपी राजमार्ग नेपाली सेनासहितका सुरक्षाकर्मी, सडक विभाग र स्थानीय पालिकाले अहोरात्र खटिएर आजबाट एकतर्फी खुलाउन सफल भएका हुन् ।
काभ्रेको रोशी- ९ मंगलटारको बोक्सीकुनामा डाइभर्सन बनाएसँगै बिपी राजमार्ग एकतर्फी सञ्चालनमा आएको हो ।
