काठमाडौं, असोज ७ । सुनको भाउले लगातार दोस्रो दिन नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार आज (असोज ७ गते) सोमबार छापावाल सुन प्रतितोला ४०० रुपैयाँले बढेर १ लाख ५९ हजार २०० रुपैयाँ कायम भएको छ ।
यसअघि आइतबार तोलामा १७ सय रुपैयाँले बढेर सुनको मुल्यमा रेकर्ड कायम भएको थियो । आइतबार छापावाल सुन प्रतितोला १ लाख ५८ हजार ८०० रुपैयाँमा कारोबार भएको थियो ।
यता, आज चाँदीको भाउ भने स्थिर रहेको छ । सोमबार चाँदीको भाउ प्रतितोला १९ सय २० रुपैयाँ कायम रहेको छ । आइतबार पनि चाँदीको भाउ सोही मूल्यमा किनबेच भएको थियो ।
Published Date: 23 September 2024
