बिहीबार सुनको मूल्य प्रतितोला ८ सय रुपैयाँले घट्यो

काठमाडौं, असोज ३ । सुनको भाउ लगातार ३ दिन घटेको छ । यो ३ दिनमा सुनको भाउ १७ सय रुपैयाँले घट्न पुगेको छ । नेपाल सुन–चाँदी व्यवसायी महासंघका अनुसार बिहीबार पनि छापावाल सुन प्रतितोला ८ सय रुपैयाँले घटेर १ लाख ५५ हजार ६०० रुपैयाँ कायम भएको छ ।

यसअघि मंगलबार र बुधबार सुनको भाउ क्रमशः प्रतितोला ६००, ३०० रुपैयाँले घटेको थियो । यसअघि, बुधबार छापावाल सुन १ लाख ५६ हजार ४०० रुपैयाँ कायम भएको थियो । बिहीबार चाँदीको भाउ पनि तोलामा १० रुपैयाँले घटेर तोलाको १८ सय ८० रुपैयाँ कायम भएको छ । बुधबार चाँदीको भाउ प्रतितोला १८ सय ९० रुपैयाँ कायम रहेको थियो ।

अन्तर्राष्ट्रिय बजारमा आज सुन प्रतिऔंस २ हजार ६६२.५२ र चाँदी प्रतिऔंस ३०.४४ डलरमा कारोबार भइरहेको छ । मुख्यतयः अन्तर्राष्टिय बजारमा तय हुने भाउकै आधारमा नेपाली बजारमा पनि मूल्य निर्धारण हुन्छ । विश्व बजारमा सुनको मूल्य घट्दा वा बढ्दा त्यसको सीधा प्रभाव नेपालमा पनि पर्ने गरेको छ ।