काठमाडौँ, भदौ २५ । अब अनलाइनबाट कम्पनी दर्ता गर्न नपाइने भएकाे छ । कम्पनी रजिस्ट्रारको कार्यालयले केहि समयका लागि अनलाइन दर्ताकाे सेवा बन्द गरेको हाे ।
सर्वोच्च अदालतले अनलाइन दर्ता प्रणालीको सफ्टवेयरका विषयमा अल्पकालीन अन्तरिम आदेश दिएपछि कार्यालयले सेवा बन्द गरेकाे हाे ।
यसअघि, कार्यालयले कम्पनी दर्तालाई अनलाइन प्रक्रिया लैजान नयाँ सफ्टवेयर कार्यान्वयनमा ल्याउन लागेपछि अदालतमा मुद्दा परेको थियो । अदालतले असार १९ गते, साउन १७ गते, भदौ ९ गते र भदौ १६ मा कार्यालयले गरेकाे निर्णय अनुसारका सबै काम कारबाहीमाथि रोक लगाएको थियो।
