काठमाडौँ, भदौ ७ । पोर्चुगिज स्टार स्ट्राईकर क्रिस्टियानो रोनाल्डोको गोलको अग्रता जोगाउन नसक्दा साउदी प्रो लिगमा अल नासर बराबरीमा रोकिएको छ ।
सिजनको पहिलो खेल खेल्दै गरेको नासरले बिहीवार अल रइदसँग १-१ गोलको बराबरी खेलेको हो ।
घरेलु मैदानमा नासरका लागि ३४औं मिनेटमा साडियो मानेको असिस्टमा रोनाल्डोले गोल गरे । त्योसँगै साउदी प्रो लिगमा रोनाल्डोको ५० गोल पूरा भएको छ।
रइदका मोहम्मद फौजाइरले ४९ औं मिनेटमा पेनाल्टिमार्फत गोल गर्दै खेल बराबरीमा पुर्याए । त्यसपछि दुवै तर्फबाट गोल हुन नसक्दा खेल बराबरीमा सकियो ।–एजेन्सी
Published Date: 23 August 2024
