भक्तपुर, भदौ ४ । आज काठमाडौँ उपत्यकामा सापारु पर्व मनाइदैछ। उपत्यकाको तीन जिल्ला काठमाडौँ, भक्तपुर र ललितपुरको सापारू मध्य भक्तपुरको सापारु अझ विशेष हुने गर्दछ। भक्तपुरको सापारुमा भक्तपुर नगरपरिक्रमा गर्ने क्रममा घिन्ताङघिसी नाचले अझ विशेष बनाएको हुन्छ ।
भक्तपुरमा आठ दिनसम्म चल्ने यस पर्वको छुट्टै रौनक र आकर्षण छ । एक वर्षभित्र मृत्यु भएकामध्ये उमेर नपुगेका बालबालिकाको साँचा अर्थात डोकोलाई गाईको रुपमा सिंगारेर नगर परिक्रमा गरिन्छ भने उमेर पुगेका व्यक्तिहरुको ताहामच्चा अर्थात चार वटा बाँस प्रयोग गरी गाईको प्रतीक बनाई नगर परिक्रमा गरिन्छ ।
घिन्ताङघिसीको साथै माँक प्याखँ अर्थात् बाँदर नाच यहाँको अर्को विशेषता हो । ताहामचा वनाई नगर परिक्रममा गराउनेलाई श्रद्धालुहरुले फलफूल, रोटी, चिउरा दहीका साथै अन्न र द्रव्य दान गर्दछन् । आज दिनभर विभिन्न बाजागाजा सहित भक्तपुरमा सापारु मनाइरहेको छ।
