काठमाडौँ, माघ २८ । काठमाडौंको उत्तर-पूर्वी भागमा रहेको साँखु, उपत्यकाबाट करिब १७ किमिको दुरीमा रहेको छ। हिन्दु धर्म अनुसार पौष शुक्ल पक्ष पुर्णिमाबाट साँखु उपत्यकाको साली नदीमा माधव नारायण मेला लाग्ने गर्छ।
यो एक महिने मेला स्वस्थानी व्रतका नामले पनि प्रख्यात छ। साली नदीको प्रसङ्ग स्वस्थानी व्रत कथामा पनि भएकोले माघ महिनामा यो नदीको विशेष महत्व रहेको छ।
साली नदीको तटमा देवी पार्वतीले माघ महिनामा स्वस्थानी माताको व्रत बसेको भन्ने विश्वासका कारण यस महिनामा विशेष गरी महिलाहरु स्नान गर्न आउछन्।
यो महिनामा ३१ दिन पुजा अर्चना गरे आफ्नो मनोकांक्षा पुरा हुने विश्वास रहेकोले माघ महिनामा यहाँ हिन्दु धर्मावलम्बीहरुको विशेष घुइचो लाग्छ।
