देशमा हैजाको सङ्क्रमण बढ्दै, सरसफाइमा विशेष ध्यान दिन विज्ञको सुझाव

काठमाडौं, साउन १३ । ललितपुरमा ७ जना र कैलालीमा ३ जना गरी देशभर १० जनामा हैजा फैलिएको स्वास्थ सेवा विभाग अन्तर्गतको ईपिदिमियोलोजी तथा रोग नियन्त्रण महाशाखाका निर्देशक डा यदुचन्द्र घिमिरेले बताएका छन् ।

हैजाबाट बच्न व्यक्तिगत सरसफाइ मात्र नभई खानेपानी र त्यसको स्रोतको सरसफाइ पनि महत्वपूर्ण रहेको उनको भनाई हो। उनले बताए अनुसार ललितपुरको इनारमा दिशामा भेटिने जीवाणु फेला परेको छ। र त्यो ढलबाट मिसिएको हुनसक्ने अनुमान लगाएका छन्।

हैजा सङ्क्रमण भएको र उपचार नभएको खण्डमा भने मानिसको मृत्यु पनि हुनसक्छ। हैजाको लक्षण भने पातलो तथा चौलानी पानी जस्तै दिसा, बान्ता र वाकवाकी हुनु हो।