काठमाडौं, असार १८ । नेप्से परिसूचक मंगलबार ४७.०४ विन्दुले बढेर २१००.४३ अंकमा आएको छ ।
बजारले २१ सयको मनोवैज्ञानिक लाइन छुन सफल भएको देखिन्छ । ४ अर्ब ५७ करोड रुपैयाँभन्दा बढीको सेयर कारोबार भएको छ । यस दिन सबै समूहका सूचक बढेका छन् ।
निकै लामो समयदेखि सुस्त हुँदै आएको वाणिज्य बैंक समूह पनि ३.०३ प्रतिशतले बढ्न सफल भएको छ ।
आज ३१५ कम्पनीको १ करोड १६ लाखभन्दा बढी कित्ता सेयर कारोबार भएको छ । १२ करोड ३३ लाख रुपैयाँभन्दा बढीसहित कारोबार रकममा एनआरएन इन्फ्रास्टक्चर एन्ड डेभलपमेन्ट कम्पनी अग्रस्थानमा परेको छ ।
यसैगरी, दोस्रो र तेस्रो स्थानमा क्रमशः गुडविल फाइनान्स र युनाइटेड इर्दी मर्दी आरबी हाइड्रोपावर रहेका छन् ।
Published Date: 02 July 2024
