भक्तपुर, असार १६ । भक्तपुरमा आगामी साउन ५ गते साइकल च्यालेन्ज हुने भएको छ। साइकल च्यालेन्ज अन्तर्गत भक्तपुरमा सो दिन ३३ पुल परिक्रमा हुने लागेको हो।
३३ पुल परिक्रमा कसरी गर्ने ?
भक्तपुर सहरलाई ३३ वटा पुलले घेरेको छ । यी पुलहरु परिक्रमा गर्न करीब ३३ किलोमिटर यात्रा गर्नु पर्ने हुन्छ । अधिकांस रुट खोलाको तिर मै छ । घडी घुम्ने दिशा हुदै यो पुल परिक्रमा गर्न सकिन्छ । रुटमा सबैभन्दा बढी खेतहरु देख्न सकिन्छ । खोला तिरबाट यात्रा गर्दा चराचुरुङगीको चिरबिर चिरबिर आवाजले यात्रालाई रोमाञ्चक बनाउछ । खेत रहेको स्थानहरुमा भने किसानहरु संग मौसम अनुसारको तरकारी किन्न सकिन्छ ।
साउन ५ गतेको साइकल यात्रा
साउनको पहिलो शनिबार ३३ पुल परिक्रमाको लागि साइकल चढी यात्रा गर्न सकिन्छ । यो रुटको कुनै बिन्दुबाट सुरु गरी यात्रा अगाडि बढाउन सकिन्छ । खोला किनारमा फोहर वस्तु फाल्ने गतिबिधि कम गर्नको लागि पनि त्यहाँ चहलपहल हुन आवश्यक छ ।
Published Date: 30 June 2024
