काठमाडौं, जेठ ९ । सुनको भाउ प्रतितोला १०० रुपैयाँले घटेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला १०० रुपैयाँले घटेर १ लाख ४० हजार ५०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ३९ हजार ८०० रुपैयाँ निर्धारण भएको छ ।
यसअघि, मंगलबार छापावाल सुन १ लाख ४० हजार ६०० रुपैयाँ कायम रहेको थियो । यसैगरी, तेजावी सुनको भाउ तोलाको १ लाख ३९ हजार ९०० रुपैयाँ निर्धारण भएको थियो ।
यता, बुधबार चाँदीको भाउ भने प्रतितोला १५ रुपैयाँले बढेर १९ सय रुपैयाँ कायम भएको छ । मंगलबार चाँदीको भाउ प्रतितोला १८ सय ८५ रुपैयाँ कायम रहेको थियो ।
Published Date: 22 May 2024
