काठमाडौं, वैशाख २३ । इन्डियन प्रीमियर लीग (आईपीएल) २०२४ को ५२औँ खेलमा रोयल च्यालेञ्जर्स बैंगलुरु (आरसीबी) ले गुजरात टाइटन्सलाई चार विकेटले पराजित गरेको छ ।
शनिवार राति चिन्नास्वामी स्टेडियममा खेलिएको यो प्रतिस्पर्धामा गुजरातले आरसीबीलाई जीतका लागि १४८ रनको लक्ष्य दिएको थियो, जसलाई आरसीबीले १३.४ ओभरमा हासिल गर्न सफल भयो ।
आरसीबीको जारी सीजनको यो ११ औं खेलमा चौथो जीत थियो । अर्कोतिर गुजरात टाइटन्सले ११ वटै खेलमा सातौं हार व्यवहोरेको छ । आरसीबीको टीम यो जीतसंगै अंकतालिकाको सातौं स्थानमा उक्लिएको छ । यो टीमको प्लेअफमा पुग्ने सम्भावना पनि कायमै छ ।
आरसीबीको जीतको हीरो विराट कोहली तथा कप्तान फाफ डु प्लेसिस रहे । दुबैले ५.५ ओभरमा ९२ रनको ओपनिङ साझेदारी गरे । कोहलीले २७ बलमा ४२ रन बनाए, जसमा चार छक्का तथा दुई चौका समावेश रहे । डु प्लेसिसले केवल २३ बलमा ६४ रनको इनिङ खेले । डु प्लेसिसले आफ्नो इनिङमा १० चौका तथा तीन छक्का प्रहार गरे ।
यद्यपि, ओपनिङ साझेदारी टुट्ने बित्तिकै विकेट पतनको क्रमले निरन्तरता पायो र आरसीबीले २५ रन भित्र ६ विकेट गुमायो । त्यसपछि दिनेश कात्र्तिक तथा स्वन्लि सिंहले अविजित ३५ रन जोडेर आरसीबीलाई सहजै लक्ष्यसम्म पुर्याए । स्वप्निल १५ बलमा २१ रन बनाएर अविजित रहे । गुजरातको तर्फबाट आइरिस तिब्र गतिका बलर जोशुवा लिटिलले चार विकेट लिए ।
त्यसअघि, पहिला ब्याटिङ गर्दै गुजरातले आरसीबीलाई जीतका लागि १४८ रनको सामान्य लक्ष्य दिएको थियो । गुजरात टाइटन्सका लागि शाहरुख खानले सर्वाधिक ३७ रन बनाए । आरसीबीका मोहम्मद सिराज, विजयकुमार वैशाक तथा यश दयालले समान तीन विकेट लिए ।
आरसीबीले जारी सीजनमा अहिलेसम्म ११ खेलमा चार जीत हासिल गरेको छ भने गुजरात टाइटन्सले ११ खेल खेलेर चारमा विजय प्राप्त गरेको छ ।
