काठमाडौँ, चैत २१ । तीव्र गतिका बलर कमल सिंह ऐरीले ह्याट्रिक लिएपछि आयरल्यान्ड वल्भ्सले एकदिवसीय सिरिजको नेपाल ‘ए’ समक्ष १ सय ५८ रनको सामान्य लक्ष्य प्रस्तुत गरेको छ ।
बुधबार त्रिवि मैदान कीर्तिपुरमा आयरल्याण्डलाई सस्तैमा समेट्ने क्रममा नेपालका लागि फास्ट बलर कमलसिंह ऐरीले ह्याट्रिक लिए । उनले खेलको ३९औं ओभरको पहिलो तीन बलमा लगातार विकेट लिँदै ह्याट्रिक पूरा मात्र गरेनन्, आयरल्याण्डलाई १५७ रनमा अलआउट पनि गराए ।
ऐरीले खेलमा चार विकेट लिएका थिए । यस्तै, सादब आलम र मौसम ढकालले दुई–दुई विकेट लिए । रिजन ढकालको नाममा एक विकेट रह्यो । आयरल्याण्डका लागि कोड कार्मिचेलले ५१ रन बनाए । नेपालले अब केही समयपछि जवाफी ब्याटिङ गर्नेछ ।
Published Date: 03 April 2024
