भक्तपुरको राधेराधे स्थित हनुमन्ते खोलामा स्कुटरसहित पुरुषको शव फेला

भक्तपुर, फागुन २१ ।  भक्तपुरमा स्कुटरसहित एक जना पुरुषको शव फेला परेको छ ।

आज बिहान भक्तपुरको मध्यपुरठिमी नगरपालिका वडा नं. ९ राधेराधे स्थित हनुमन्ते खोलामा ईलाम जिल्ला ईलाम नगरपालीका वडा नं. ३ का २६ वर्षीय छत्र थापा मृत भेटिएका हुन् ।

खोलामा थापासहित बा८६प ९७३० को स्कुटी पनि फेला परेको जिल्ला प्रहरी परिसर भक्तपुरले जानकरी दिएको छ ।

थापा हाल काठमाण्डौ कोटेश्वर तिनकुने बस्दै आएका थिए । उनको शव पोष्टमार्टमको लागि के.एम.सी. दुवाकोट अस्पताल पठाइएको छ ।घटनाको सम्बन्धमा थप अनुसन्धान कार्य भई रहेको सूचना जिल्ला प्रहरी परिसर भक्तपुरले जानकरी दिएको छ ।