भक्तपुर, फागुन २० । भक्तपुर युवा टीमको आयोजनामा जारी तेश्रो भक्तपुर कप २०८० अन्तर्गत आज पनि दुई खेल सम्पन्न भएको छ। आइतबारको खेलमा सामाजिक युवा क्लव र बागीश्वरी मजुवा युवा समाज विजयी भएका छन् ।
आज सामाजिक युवा क्लब र सिद्धि स्मृति भक्तपुर फुटवल क्लवबीच भएको पहिलो खेलमा सामाजिक युवा क्लबले सिद्धि स्मृति भक्तपुर फुटवल क्लबलाई २-१ गोलले पराजित गर्यो।
आजै भएको बागीश्वरी मजुवा युवा समाज र भक्तपुर बहुमुखी क्याम्पसबीच भएको दोश्रो खेलमा बागीश्वरी मजुवा युवा समाजले भक्तपुर बहुमुखी क्याम्पसलाई ३-० गोलले पराजित गर्यो।
उदायीमान खेलाडीका रूपमा सुशील कार्की र प्रशान्त लामा घोषित भए। त्यसैगरी उत्कृष्ट खेलाडीका रूपमा ओसिन राई र निरज लामा घोषित भए।
Published Date: 03 March 2024
