काठमाडौं, माघ १० । मौसम पूर्वानुमान महाशाखाका अनुसार पश्चिम नेपालबाट मौसमी प्रणाली प्रवेश गरेको कारण आज देशका केहि स्थानमा पानी पर्न सक्ने जनाएको छ।
मौसमी प्रणाली प्रवेश गरेसँगै सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली भएको छ । यी सबै प्रदेशका केही ठाउँमा आज मेघगर्जनसहित पानी पर्ने सम्भावना रहेको महाशाखाले जनाएको हो। आज राति र बुधबारसम्मै पानीसँगै उच्च पहाडी र हिमाली क्षेत्रमा हिमपातसमेत हुने सम्भावना छ ।
Published Date: 24 January 2023
