काठमाडौँ, माघ २९ । आयोजक आइभोरी कोस्टले अफ्रिका कप अफ नेसन्सको उपाधि उचालेको छ । गएराती सम्पन्न फाइनलमा नाइजेरिया माथि २-१ को पुनरागमन जित निकाल्दै आइभोरी कोस्टले तेस्रो पटक उपाधि उचालेको हो ।
आइभोरी कोस्टका लागि फ्रान्क केस्सी र सेबास्टियन हालेरले एक-एक गोल गरे ।
खेलको ३८औ मिनेटमा नाइजेरियाले कप्तान विलियम ट्रुस्ट-एकंगको हेडर गोलको मद्दतले खेलमा अग्रता लिएको थियो । तर दोस्रो हाफमा दुई गोल खान पुगेपछि नाइजेरियाले उपाधि सुम्पिन पुग्यो ।
६२औ मिनेटमा साइमन एडिन्ग्राको कर्नर किकमा फ्रान्क केस्सीले फार-पोस्टमा गोल फ्रि-हेडर प्रहार गर्दै खेल बराबरीमा ल्याएका थिए । ८१औ मिनेटमा एडिन्ग्राकोकै क्रसमा सेबास्टियन हालेरले राम्रो फिनिश गर्दै पुनरागमन गर्दै उपाधि जित्न सफल भयो ।
यो आइभोरी कोस्टको तेस्रो एफ्कन उपाधि हो । यसअघि आइभोरी कोस्टले १९९२ र २०१५ मा उपाधि उचालेको थियो । –एजेन्सी
