काठमाडौं, माघ २७ । कप्तान रोहितकुमार पौडेलले लगातार २ विकेट लिएसँगै क्यानडाविरुद्ध जारी दोस्रो ओडीआईमा नेपाल खेलमा फर्किएको छ ।
टस जितेर ब्याटिङ रोजेको क्यानडाले राम्रो सुरुवात गरेपनि नेपालले लगातार विकेट लिँदै खेलमा फर्कने संकेत दिएको छ । ४० ओभरको समाप्तिमा क्यानडाले ६ विकेट गुमाएर २ सय १५ रन जोडेको छ ।
ओपनर आरोन जोन्सनले अर्धशतक बनाउँदा अर्का ओपनर नवनित धलिवल भने ४६ रनमा आउट भए । पहिलो विकेटका लागि यी दुईले ९४ रन जोडेका थिए । १९ औं ओभरमा आकाश चन्दले धलिवललाई कट बिहाइन्ड गर्दै नेपाललाई पहिलो सफलता दिलाएका थिए ।
Published Date: 10 February 2024
