कृषि तथा पशुपन्छी विकास मन्त्रलय अन्तर्गतकाे खाद्य व्यवस्था तथा गुण नियन्त्रण विभागका अनुसार विभागले गरेकाे प्रयोगशाला परिक्षणबाट रङ्गिन कटन क्याण्डीमा मानव स्वास्थ्यमा गम्भीर असर पुर्याउने रोडामाइन बी नामक अखाद्य रङ्गकाे प्रयोग भएको पाइएको छ । यस्ता वस्तुहरुको प्रयोग स्वास्थ्यका लागि हानिकारक रहेको छ ।
विभागले यस विभागबाट अनुज्ञा पत्र प्राप्त गरी लेबल लगाएका बाहेकका यस्ता वस्तुहरूकाे प्रयाेग नगर्न तथा बालबालिकाहरूलाई समेत नदिन उपभोक्तालाई अनुराेध गरेको छ । यसैगरी, यस प्रकारकाे अखाद्य रङ्गको प्रयोग गरी यस्ता वस्तु खुला रूपमा उत्पादन, बिक्री र वितरण नगर्न पनि विभागले उत्पाकहरुलाई निर्देशन दिएकाे छ । यसरी,अटेर गरी उत्पादन तथा बिक्री वितरण गरेकाे पाइएमा खाद्य ऐन नियम बमाेजिम कारवाही हुने समेत विभागले चेतावनी दिएकाे छ ।
