बिहीबार नेप्से परिसूचक १२.६२ अंकले घट्यो

सूचक घटेपनि यस दिन कारोबार रकम भने सामान्य बढेको छ। अघिल्लो कारोबार दिन ३ अर्ब १८ करोडको शेयर खरिदबिक्री भएको बजारमा यस दिन २९६ स्टकको ५७ हजार ६४५ पटकको कारोबारमा ३ अर्ब ३९ करोड ६ लाख रुपैयाँ बराबरको ९३ लाख ८२ हजार कित्ता शेयर खरिदबिक्री भएको छ।

कारोबार रकमका आधारमा बिहीबार शिवम् सिमेन्ट्स शीर्ष स्थानमा रहेको छ। कम्पनीको यस दिन २३ करोड ७५ लाख रुपैयाँ बराबरको शेयर खरिदबिक्री भएको छ। त्यसैगरी, यस दिन सोल्टी होटलको करिब १८ करोडको शेयर कारोबार भएको छ भने हिमालयन लाइफ इन्स्योरेन्सको १६ लाखभन्दा बढीको शेयर किनबेच भएको छ।

बिहीबार १३ उपसमूहमध्ये १० उपसमूहको परिसूचक बढेको छ भने ३ उपसमूहको परिसूचक घटेको छ। यस दिन बैंकिङ्ग, होटल तथा पर्यटन र म्युचुअल फण्ड उपसमूहको परिसूचक सामान्य अंक बढेको हो। कारोबारमा आएको वित्त उपसमूहको परिसूचक यस दिन सर्वाधिक २ प्रतिशत घटेको छ भने विकास बैंक, जलविद्युत, जीवन बीमा, निर्जीवन बीमा र व्यापार उपसमूहको परिसूक १ प्रतिशतभन्दा बढी घटेका छन्।