काठमाडौं, असार १९ । नेपाल नागरिक उड्डयन प्राधिकरणका महानिर्देशक प्रदीप अधिकारीले पर्यटनमन्त्री सुदन किरातीले मागेको स्पष्टीकरणको जवाफ बुधबार दिने भएका छन्।
मन्त्री किरातीले स्पष्टीकरण मागेको एक सातासम्म कुनै जवाफ नदिने अड्डी कसेका अधिकारीले बुधबार पर्यटन मन्त्रालयमा लिखित जवाफ पठाउने स्रोतले बताएको छ ।
किरातीले महानिर्देशक अधिकारीलाई स्पष्टीकरण सोधेको विषय सामाजिक संजालमा राखेका थिए। मन्त्री किरातीले स्पष्टीकरण सोधेपछि महानिर्देशक अधिकारीले आफू स्वायत्त संस्था भन्दै स्पष्टीकरण नदिने अडान लिएका थिए।
