काठमाडौँ, असार ११ । कप्तान सन विलियम्सले १ सय ७४ रनको सानदार शतकीय इनिङ खेलेपछि जिम्बावेले आइसिसी विश्वकप छनोटमा अमेरिकालाई ४ सय ९ रनको कीर्तिमानी विशाल लक्ष्य दिएको छ ।
हरारेमा टस हारेर पहिला ब्याटिङको निम्तो पाएको जिम्बावेले निर्धारित ५० आभरमा ६ विकेट गुमाउँदै ४ सय ८ रन बनायो । यो जिम्बावेले आफ्नो ओडिआई इतिहासकै सर्वाधिक ठूलो योगफल बनाएको हो । यसअघि जिम्बावेको ओडिआईमा सर्वाधिक ठूलो योगफल २००९ मा केन्याविरुद्ध ३ सय ५१ रन थियो ।
जिम्बावेका सन विलियम्सले १ सय १ बलमा २१ चौका र ५ छक्कासहित १ सय ७४ रनको सानदार शतकीय इनिङ खेले । उनको यो करिअरको उत्कृष्ट प्रदर्शन हो । समग्रमा जिम्बावेबाट ओडिआई खेलमा ब्यक्तिगत तेस्रो उच्च स्कोर हो । यसअघि जिम्बावेका चाल्र्स कभेन्टीले २००९ मा बंगलादेशविरुद्ध १ सय ९४ तथा हिमाल्टन मसाकाड्जाले केन्याविरुद्ध १ सय ७८ रनको अविजित इनिङ खेलेका थिए । त्यसपछि यो उच्च प्रदर्शन हो ।
ओपनर जोयलोर्ड गुम्बी १ सय ३ बलमा ५ चौकासहित ७८ र इनोसेन्ट कैया ३२ रनमा आउट भए । दोस्रो विकेटका लागि सन विलियम्स र जोयलोर्डले १ सय ६० रनको साझेदारी गरेका थिए ।
Published Date: 26 June 2023
