भक्तपुर, जेठ २३ । विश्व वातावरण दिवसको अवसरमा किकम्पा मन्टेश्वरी स्कूल इतबूँ सूर्यविनायकमा सरसफाई गरियो । सो अवसरमा विद्यालयको प्राङ्गणमा बालबालिकाहरुलाई वृक्षारोपन पनि गराईयो ।
विद्यायलका इसिए इन्चार्ज सरिता तमखुले विश्वको तापक्रम बढ्नुमा वनजंगल फदानी, अव्यवस्थित सहरीकरण साथै कलकारखानाबाट निस्केको धुलो धुँवालाई व्यवस्थापन नगरेकोले मानिसहरुको जीवनयापन गाह्रो भएको बताईन् । विद्यालयका एकेडेमीक इन्चार्ज इन्दिरा आचार्यले सरसफाई तथा जन चेतनामूलक कार्यक्रम बालबालिकाहरुबाट नै सुरू गर्नुपर्ने बताईन् ।
वनजंगल मास्नाले अहिले पानीको हाहाकार भएको र वर्षा सुरू भएलगतै विभिन्न प्राकृतिक प्रकोपले मानवीय जीवनमा ठुलो क्षती पुर्याएको बताईन्।
विद्यालयका प्रिन्सिपल राजेश लाखाले वातावरण दिवसको अवसरमा बोल्दै स्वच्छ वातावरणको लागी आफूले गर्नुपर्ने सरसफाईको कर्तव्य र दायित्व पुरा गर्नुपर्ने र यसका लागि सरकारी निकायको मात्र मुख ताकेर बस्न नहुने बताए । वातावरण प्रदुषणका कारण मानवलाई मात्र होइन प्रत्यक्ष अप्रत्यक्ष रूपमा वनस्पती जीवजन्तु सिंगो पर्यावरण प्रभावित भएको बताए ।
विद्यालयका शिक्षक दिल सुवालको संयोजकत्वमा भएको सो कार्यक्रम विद्यालयका बालबालिकाबाटै विद्यालय प्राङ्गण तथा विद्यालय वरपर
सरसफाई गरेको थियो।
