भक्तपुर जेठ २१ । चिकित्सा शिक्षा आयोगका निर्देशक दिलिप शर्माले जेठ १८ गते भक्तपुर नगरपालिकाद्वारा सञ्चालित ख्वप अस्पतालका भौतिक पूर्वाधारहरुको स्थलगत निरीक्षण तथा अवलोकन गरेका छन् ।
शर्माले भक्तपुर नगरपालिकाका प्रमुख सुनिल प्रजापतिसँग भेटी ख्वप अस्पताल सञ्चालनको उद्देश्य र अस्पतालबाट प्रवाहित सेवा सुविधा र आगामी योजनाहरुबारे विस्तृतमा जानकारी लिएका थिए ।
भेटमा निर्देशक शर्माले स्थानीय तहबाट सञ्चालित ख्वप अस्पताल वास्तवमै देशकै लागि उदाहरणीय कार्य भएको बताउँदै अस्पतालले व्यापक जनतालाई सहज रुपमा स्वास्थ्य सेवा उपलब्ध गराउँदै आएकोमा खुशी व्यक्त गरे ।
Published Date: 04 June 2023
