काठमाडौं, जेठ १ । नेपाल स्टक एक्सचेन्ज (नेप्से) मा सगरमाथा लुम्बिनी इन्सुरेन्सको सेयर कारोबार सुरु भएको छ ।
साविकको सगरमाथा इन्सुरेन्स र लुम्बिनी जनरल इन्सुरेन्सको मर्जरपछि बनेको ‘सगरमाथा लुम्बिनी इन्सुरेन्स कम्पनी लिमिटेड’ को नाममा २ करोड ६२ लाख २६ हजार २८१.९६ कित्ता सेयर आइतबार सूचीकरण भएको थियो ।
सोमबारदेखि यसको सेयर कारोबार खुला भएको हो । यसको पहिलो कारोबारका लागि नेप्सेले प्रतिकित्ता ५९९.१२ रुपैयाँ भाउ तोकेको थियो । सोही मूल्यलाई आधार मानेर पहिलो कारोबार भएको हो ।
‘एसएएलआइसीओ’ संकेतमा कारोबार सुरु भएको छ । यता, साविकको लुम्बिनी जनरल इन्सुरेन्सको सूचीकरण खारेज भएको छ । १ः०.८० सेयर स्वाप अनुपातमा कायम भएको सेयर सगरमाथा लुम्बिनी इन्सुरेन्स नाममा सूचीकरण भएको हो ।
Published Date: 15 May 2023
