इस्लामावाद, वैशाख २९ । पाकिस्तानका पूर्व प्रधानमन्त्री इमरान खानलाई गिरफ्तार गरेपछि मङ्गलबारदेखि प्रदर्शनकारी र प्रहरीबीच भएको झडपमा कम्तीमा १० जनाको मृत्यु भएको छ भने १,७५० भन्दा बढी घाइते भएका छन्।
प्रहरी र अस्पतालका धेरै स्रोतहरूले नाम न छाप्ने सर्तमा सिन्ह्वालाई भने कि मृतकहरू सबै नागरिक हुन् र घाइतेहरूमा १,३९३ नागरिक र ३५७ प्रहरी छन्। खानको गिरफ्तारीपछि उनको पार्टी पाकिस्तान तहरीक-ए-इन्साफ (पीटीआई) का कार्यकर्ता सडकमा उत्रिएपछि झडप भएको थियो।
नेशनल एकाउन्टेबिलिटी ब्यूरो (एनएबी) ले मंगलबार खानलाई इस्लामावाद उच्च अदालत परिसरबाट भ्रष्टाचार र भ्रष्ट अभ्यासको कथित आरोपमा हिरासतमा लिएको थियो जब उनी विरुद्ध केही अन्य मुद्दाहरूको सुनुवाईको लागि त्यहाँ उपस्थित थिए।
देशको संघीय सरकारले राजधानी इस्लामावाद र पञ्जाब र खैबर पख्तुनख्वा प्रान्तका प्रमुख शहरहरूमा प्रदर्शनकारीहरूलाई रोक्न र कानून र व्यवस्था सुनिश्चित गर्न सेना परिचालन गरेको छ।
Published Date: 12 May 2023
