काठमाडौं, वैशाख ८ । अर्थमन्त्री डा प्रकाशशरण महतले आफ्नो टोली विस्तार गरेका छन् ।
महतले अर्थ मन्त्रालयमा तीनजना आर्थिक सल्लाहकार नियुक्त गरेका छन् । उनको सल्लाहकारमा राष्ट्रिय योजना आयोगका पूर्वउपाध्यक्ष एवं नेपाली कांग्रेसका नेता डा विश्व पौडेल, अर्थविद् डा पोषराज पाण्डे र नेपाल राष्ट्र बैंकका कार्यकारी निर्देशक डा गुणाकर भट्टलाई नियुक्त गरिएको छ ।
चितवनमा भएको निर्वाचनमा अर्थशास्त्री पौडेल पराजित भएका थिए । पौडेल र पाण्डेलाई मानार्थ सल्लाहकारमा नियुक्त गरिएको छ ।
भट्ट नेपाल राष्ट्र बैंकबाट सल्लाहकारको भूमिकामा अर्थ मन्त्रालयमा आएका थिए । उनी केन्द्रीय बैंकको बैंक तथा वित्तीय संस्था नियमन विभागका प्रमुख हुन् ।
मुलुकको अर्थतन्त्र धरासायी भइरहेका बेला अर्थ मन्त्रालयको नेतृत्व सम्हालेका महतले आगामी आर्थिक वर्षको बजेट तयारीका लागि नयाँ टोली बनाएर अगाडि बढेका छन् ।
Published Date: 21 April 2023
