काठमाडौँ, वैशाख २८ । साताको पहिलो कारोबार दिन सेयरबजारमा चमक आएको छ । सोमबार नेप्से ३८.१९ अंकले बढेर २ हजार ७८३.८५ विन्दुमा कायम भएको हो । आज सेयरबजारमा ३३२ कम्पनीका सेयर कारोबार भएका छन् । यी मध्ये २४७ कम्पनीका सेयरमूल्य बढेका छन् भने १८ कम्पनीको सेयरमूल्यमा गिरावट आएको छ ।
आज कुल १ करोड ४ लाख ३९ हजार ४३२ कित्ता सेयर ४ अर्ब ६१ करोड ३५ लाख ६४ हजार रुपैयाँमा कारोबार भएको छ । आज सेयरबजारमा सूचीकृत सबै समूहका परिसूचक सकारात्मक रहेका छन् । सबैभन्दा धेरै अन्य समूहको परिसूचक २.११ प्रतिशतले बढेको छ । फस्ट माइक्रोफाईनान्स लघुवित्त वित्तीय संस्था, कुमारी धनवृद्धि योजना तथा दोल्ती पावर कम्पनीका सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने त्रिशुली जलविद्युत कम्पनी, एनएमवी बैंकका डिवेञ्चरमा लगानीकर्ता तथा लक्ष्मी बैंकका डिवेञ्चरमा लगानीकर्ता रहेका छन् ।
Published Date: 11 May 2026
