काठमाडौं, चैत १२ । राष्ट्रिय स्वतन्त्र पार्टी (रास्वपा) आज महत्वपूर्ण निर्णय लिन केन्द्रीय समिति बैठक बस्दैछ। बैठक दिउँसो ४ बजे वनस्थलीस्थित केन्द्रीय कार्यालयमा आयोजना हुने भएको छ।
बैठकमा संसदीय दलको नेता चयनलगायत विभिन्न महत्वपूर्ण एजेण्डामा छलफल गरिने पार्टीले जनाएको छ। केन्द्रीय समिति बैठक सम्पन्न भएपछि संसदीय दलको बैठक बसेर औपचारिक रूपमा नेता चयन गरिनेछ।
स्रोतका अनुसार, रास्वपाले बालेन्द्र शाह (बालेन)लाई संसदीय दलको नेतामा चयन गर्ने तयारी गरेको छ।
यदि आजको बैठकले औपचारिक निर्णय गरेमा, बालेन शाहले भोलि शुक्रबार प्रधानमन्त्री पद तथा गोपनीयताको शपथ लिने कार्यक्रम रहेको छ।
