काठमाडौं, माघ ८ । बार्सिलोनाले च्याम्पियन्स लिगमा स्लाभिया प्रागलाई ४–२ ले हराउँदै महत्वपूर्ण जित निकालेको छ। बार्सिलोनाका फर्मिन लोपेजले २ , रोबर्ट लेवान्डोव्स्कीले एक गोलसँगै एक आत्मघाती गोल पनि गरे।
खेलको सुरुवात बार्सिलोनाको लागि राम्रो रहेन। १०औँ मिनेटमा फर्मिन लोपेजले सजिलो मौका गुमाएपछि स्लाभियाका भासिल कुसेयले गोल गर्दै पाहुना टोलीलाई अग्रता दिलाए।
तर लोपेजले ३४ र ४२ औं मिनेटभित्र गोल गर्दै बार्सिलोनालाई २-१ को अग्रता दिलाए। ४४ औं मिनेटमा कर्नरबाट आएको बल लेवान्डोव्स्कीलाई लागेर आत्मघाती गोल भयो र पहिलो हाफ २–२ बराबरीमा टुंगियो । यो लेवान्डोव्स्कीको च्याम्पियन्स लिग करियरको पहिलो आत्मघाती गोल हो।
दोस्रो हाफमा बार्सिलोनाले दबाब बढायो। चोटका कारण पेड्री बाहिरिएपछि मैदान छिरेका दानी ओल्मोले ६३औं मिनेटमा गोल गर्दै बार्सालाई पुनः अग्रता दिलाए। ७०औँ मिनेटमा मार्कस रासफोर्डको क्रसमा लेवान्डोव्स्कीले नजिकबाट गोल गर्दै जित निश्चित गरे।
यो जितसँगै बार्सिलोना तालिकाको १५औँ स्थानबाट नवौँ स्थानमा उक्लिएको छ र अन्तिम १६ मा सिधै छनोट हुने सम्भावना कायम राखेको छ। अब बार्साले घरेलु मैदानमा कोपनहेगनविरुद्ध लिग चरणको अन्तिम खेल खेल्नेछ।–एजेन्सी
Published Date: 22 January 2026
