काठमाडौं, वैशाख २५ । पेरिस सेन्ट जर्मेन (पिएसजी )ले आर्सनललाई २-१ ले हराउँदै युइएफले च्याम्पियन्स लिगको फाइनलमा स्थान सुरक्षित गरेको छ ।
पेरिसको पार्क दे प्रिन्स रंगशालामा भएको खेलमा जित निकालेपछि समग्रमा ३–१ को अग्रतासहित पिएसजी अघि बढेको छ ।
खेलको पहिलो हाफमा पिएसजीका मिडफिल्डका फाबियान रूइजले एक जबरजस्त भली प्रहारमार्फत गोल गर्दै अग्रता दिलाए । त्यो उनको ४६ औं च्याम्पियन्स लिग खेलमा पहिलो गोल थियो । स्पेनी खेलाडीको गोलले टोलीको सुरुआतको तनाव कम गर्दै खेलको लय पेरिसियनहरूतर्फ मोडिदिए ।
दोस्रो हाफको सुरुमै डिफेन्डर अक्राफ हाकिमीले गोल गरे । भिटिन्हाको मिस पेनाल्टीपछि अग्रता बढाउने अवसर गुमाएको पिएसजीलाई हाकिमीले गोल गर्दै घरेलु टोलीको अग्रता दोब्बर बनाए।
६७औं मिनेटमा बुकायो साकाले आर्सेनलका लागि गोल गर्दै झिनो आशा कायम राखे । त्यसपछि गोल भएन र पिएसजी फाइनल पुग्यो ।
पिएजसजीले इन्टर मिलानसँग उपाधिका लागि खेल्नेछ। बार्सिलोनालाई हराउँदै पिएसजीले फाइनलको यात्रा तय गरेको थियो । –एजेन्सी
