काठमाडौं, चैत २५ । इंग्लिस प्रिमियर लिगमा म्यानचेस्टर डर्बी बराबरी सकिएको छ । म्यानचेस्टर सिटी र म्यानचेस्टर युनाइटेडले आइतवार गोलरहित बराबरी खेले।
पहिलो हाफमा दुवै टोली प्रभावकारी देखिएन। दोस्रो हाफमा दुवै टोलीले केहि राम्रा अवसर सिर्जना गरे। सिटीका फिल फोडेन र युनाइटेडका जोसुवा जिर्कजेले मौका पाएर पनि गोल गर्न सकेनन्।
यो बराबरीले रुबेन आमोरिमको युनाइटेडले यो साता अंक तालिकामा १३औं स्थानमा अन्त्य गरेको छ। आइतवार नै साउथह्याम्प्टनमाथि ३-१ को जित निकालेको टोटेनहमलाई पारेको छ।
सिटीले तालिकाको चौथो स्थानमा पुग्ने अवसर गुमाएको छ। पाँचौं स्थानको सिटीको ५२ अंक छ। सिटी चेल्सीभन्दा एक अंकले पछाडि र न्युकासल युनाइटेडभन्दा २ अंकले अगाडि छ ।
युनाइटेड ३८ अंकसहित १३ औं स्थानमा छ। चेल्सीले पनि ब्रेनफोर्डसँग गोलरहित बराबरी खेलेको थियो। अर्को खेलमा शीर्ष स्थानको लिभरपुल फुलहमसँग ३-२ ले पराजित भएको थियो।–एजेन्सी
Published Date: 07 April 2025
