काठमाडौँ, चैत २४ । प्रत्येक नयाँ वर्षमा आठ रात नौ दिनसम्म तान्त्रिक विधिअनुसार मनाउने बिस्का: जात्राको लागि टौमढि क्षेत्रमा भैरव र भद्रकालीको रथ निर्माण कार्य अन्तिम चरणमा पुगेको छ ।
काठै काठले प्यागोडा शैलीमा निर्माण गरिने ३५ फिट अग्लो तीनतले भैरवनाथको रथसँगै भद्रकालीको रथ निर्माण कार्य पनि सँगै भइरहेको छ ।
यस वर्ष रथको चक्कालगायतका धेरै काठहरू फेरिएको छ ।
अरू पुरानै काठलाई बलियो गरेर मर्मत गरी बलियोसँग निर्माण कार्य भइरहेको छ । लिच्छवीकालदेखि सुरु भएको यो जात्रा वैशाख १ गतेभन्दा चार दिन अगाडि भैरव र भद्रकालीको रथ तानेर सुरु गरिन्छ ।
जात्रामा भैरवनाथको रथमा भैरवनाथको मूल देवता र बेताल देवतालाई विराजमान गराई पाँचतले मन्दिर प्राङ्गणबाट माथिल्लो र तल्लो क्षेत्रमा रथलाई तानेर लैजाने परम्परा छ ।
Published Date: 06 April 2025
