काठमाडौँ, कार्तिक २० । घरेलु बजारमा आज सुनको मूल्य ह्वात्तै घटेको छ । अघिल्लो कारोबारमा प्रतितोला ३ सय रुपैयाँले बढेको सुनको मूल्य आज भने घटेको हो ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला २८ सय रुपैयाँले घटेको छ । यो गिरावटसँगै आज छापावाला सुनको मूल्य प्रतितोला १ लाख ६८ हजार २ सय रुपैयाँमा कारोबार भईरहेको छ ।
आज चाँदीको मूल्य पनि घटेको छ । चाँदीको मूल्य ६० रुपैयाँले घट्दै प्रतितोला २ हजार ३० रुपैयाँ पुगेको छ ।
Published Date: 05 November 2024
