नयाँदिल्ली, जेठ १ । भारतको मुम्बईमा भीषण आँधी र बेमौसमी वर्षाले सोमबार राति होर्डिङ खसेर लाग्दा कम्तीमा चार जनाको ज्यान गएको छ भने ५४ जना घाइते भएका छन् ।
भारतीय सञ्चारमाध्यमका अनुसार पानी र हावाहुरीका कारण ठूलो संख्यामा मानिसले आश्रय लिएको पेट्रोल पम्पमा होर्डिङ खसेको थियो । भाजपाका पूर्वसांसद किरिट सोमैयाले खसेको उक्त होर्डिङ हटाउन आफूले हिजो (आइतबार) मात्रै आदेश दिएको दाबी गरेका छन् ।
किरिट सोमैयाका अनुसार यहाँ अवैध रुपमा होर्डिङ राखिएको हो । दुर्घटनापछि महाराष्ट्रका मुख्यमन्त्री एकनाथ शिन्देले घटनास्थल अवलोकन र अस्पताल पुगेर घाइतेहरूलाई भेटेका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
1
