काठमाडौँ, वैशाख १३ । एभरटनसँग पराजित हुँदा लिभरपुललाई उपाधि होडमा धक्का पुगेको छ। इंग्लिस प्रिमियर लिगमा गएराति महत्त्वपूर्ण खेलमा पराजित हुँदा उपाधि होडमा लिभरपुललाई धक्का पुगेको हो।
एभरटनलाई हराएर शीर्षस्थानको आर्सनलसँग अंक बराबरी गर्ने मौका लिभरपुलले गुमाएको छ। २७ औं मिनेटमा लिभरपुलले पहिलो गोल खाएको थियो। एभरटनका जर्राड ब्रान्थवेटले लिभरपुरलविरूद्ध अग्रता दिलाएका थिए।
दोस्रो हाफको ५८ मिनेटमा डोमिनिक कालभर्ट लेविनले अग्रता दोब्बर पारेका थिए। त्यसपछि दुवैतर्फबाट गोल हुन नसक्दा लिभरपुरल स्तब्ध बनेको थियो।
लिभरपुल अंक तालिकाको दोस्रो नम्बरमा छ। उसको ३४ खेलबाट ७४ अंक छ। शीर्षस्थानको आर्सनलले ३४ खेलबाट ७७ अंक जोडेको छ।
दुई खेल कम खेलेको म्यानचेष्टर सिटीको ७३ अंक छ।
Published Date: 25 April 2024
