काठमाडाैँ, चैत १३ । घरेलु टोली नेपालले आयरल्याण्ड वुल्भ्सविरुद्धको ट्वान्टी-२० शृङ्खलाको उपाधि जितेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा मंगलबार भएको दोस्रो तथा अन्तिम खेलमा नेपालले आयरल्याण्ड वुल्भ्समाथि ७१ रनको जित दर्ता गर्दै शृङ्खलामा क्लिनस्विप गरेको हो ।
१९ औं ओभरमा नेपालले लगातार ३ विकेट लिँदै आयरल्यान्डलाई अलआउट गर्यो । पहिलो बलमा सोमपालले लियाम मकार्थीलाई बोल्ड गरे । त्यसपछि बेन ह्वाइटले पहिलो बलमै सोमपाललाई क्याच फिर्ता दिए । तेस्रो बलमा रोहितले ग्यारेथ डेलनीलाई नन स्ट्राइक एन्डमा रनआउट गरे ।
नेपालका लागि कुशल मल्ल र सोमपाल कामीले ३-३ विकेट लिए । विवेक यादव, कुशल भुर्तेल र करण केसीले १-१ विकेट हात पारे । हिजो भएको यस शृङ्खलाको पहिलो खेलमा नेपालले आयरल्याण्ड वुल्भ्सलाई छ विकेटले पराजित गरेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
