काठमाडौं, फागुन १० । नेपालगञ्जमा फागुन २७ गते गायिका मेनुका पौडेलको कन्सर्ट हुने भएको छ। ‘अन्तराल’को आयोजनामा यही फागुन २४ गतेदेखि नपालगञ्ज रंगशालामा हुने नेपाल कल्चर फेस्टिभलको अवसर पारेर मेनुकाको कन्सर्ट हुन लागेको हो।
यो कन्सर्टलाई ‘लेट्स सिङ विथ मेनुका’ (मेनुकासँगै गाऔँ) नाम दिइएको छ। फेस्टिभलका परिकल्पनाकार अन्तरालका प्रमुख कार्यकारी जयनारायण शाहले भने,’गायिका मेनुकाको उपस्थितिले यस क्षेत्रका किशोर किशोरीहरुलाई पनि प्रोत्साहित गरोस् भन्ने हाम्रो उद्देश्य हो।’
वाद्यवादन टिमसहित मेनुकाको ‘ लाइभ ’ प्रस्तुति हुनेछ। कन्सर्टको टिकट स्टल र क्याफेहरुबाट बिक्री गरिनेछ भने अनलाइनबाट समेत किन्न सकिनेछ। विद्यार्थीहरुलाई विशेष सहुलियत रहनेछ।
मेनुका भारतीय गायन रियालिटी शो ‘इण्डियन आइडल’मा उत्कृष्ट १० भित्र पर्न सफल भएकी थिइन्। इडियन आइडलकै क्रममा उनले भारतीय चलचित्र ‘सलार’ मा पनि गीत गाएकी थिइन्।
Published Date: 22 February 2024
