काठमाडौँ, माघ ३ । मङ्गलबार ५४.५४ अङ्कले बढेर बन्द भएको सेयरबजार आज भने १२.१ अङ्कले घटेर २१६३.०६ विन्दुमा बन्द भएको हो । अघिल्लो कारोबारको दिन कुल ८ अर्ब दुई करोड ३८ लाख ६२ हजार चार सय ६ रुपैयाँ बराबरको कारोबार भएकोमा आज कारोबार रकम बढेर ९ अर्ब ७६ करोड ८९ लाख ६९ हजार आठ सय ६८ रुपैयाँ पुगेको छ । बजार घट्दा आज कारोबार रकममा भने उल्लेख्य वृद्धि भएको हो ।
आज सर्वाधिक कमाउने कम्पनीहरुमा ग्लोबल आएमई लघुवित्त, नेपाल वेयरहाउजिङ कम्पनी र हिमालयन रिइन्स्योरेन्स कम्पनी रहे । ती कम्पनीको सेयर मूल्य ९.९ प्रतिशत बढीले वृद्धि भयो । सोमबार सर्वाधिक गुमाउनेमा भूगोल इनर्जी, इस्टर्न हाइड्रो, मुक्तिनाथ कृषि कम्पनी, दोल्ती हाइड्रो र राप्ती हाइड्रो रहे । उक्त कम्पनीहरुको सेयरमूल्य ८ प्रतिशत भन्दा बढीले घट्यो ।
Published Date: 17 January 2024
