काठमाडौँ, पुस १३ । टर्कीमा सवारी दुर्घटना हुँदा ११ जनाको मृत्यु भएको छ भने ५७ जना घाइते भएका छन् । राज्य सञ्चालित टीआरटी प्रशारकका अनुसार दुर्घटना बिहीबार उत्तरी मारमारा राजमार्गमा उत्तरपश्चिमी साकार्या प्रान्त नजिकै भएको हो । राजमार्गको इस्तानबुलको दग्दिबी क्षेत्रमा बाक्लो हुस्सुका कारण भएको चेन दुर्घटनामा तीन वटा बस र एउटा ट्रकसहित सातवटा सवारीसाधन ठोक्किएका हुन् ।
दुर्घटनापछि राजमार्गको इस्तानबुल दिशामा यातायात ठप्प भएको थियो । साकारियाका गभर्नर यासर करादेनिजले घाइतेहरूको १० वटा विभिन्न अस्पतालमा उपचार भइरहेको बताए । टर्कीका न्यायमन्त्री यिलमाज टुन्कले दुर्घटनामा तीन जना सरकारी वकिललाई उपप्रमुख सरकारी वकिलको समन्वयमा खटाएको जानकारी दिए ।
Published Date: 29 December 2023
