काठमाडौँ, कात्तिक २३ । नेपाल क्रिकेट संघ क्यानले इन्दु बर्मालाई राष्ट्रिय महिला क्रिकेट टिमको नयाँ कप्तानको जिम्मेवारी दिएको छ ।
क्यानले बिहीबार हङकङ सिरिजका लागि राष्ट्रिय टिमको घोषणा गर्दै बर्मालाई नयाँ कप्तानको रुपमा जिम्मेवारी दिएको हो ।
महिला टिमको उप कप्तानको रुपमा जिम्मेवारी सम्हाल्दै आएकी बर्मा महिला क्रिकेट टिमको नयाँ कप्तान बनेकी छिन् ।
यस्तै, क्यानले रिक्त रहेको महिला टिमको उप कप्तानमा बिन्दु रावललाई नियुक्त गरेको छ ।
हङकङमा हुने सिरिजका लागि वर्माको कप्तानीमा राष्ट्रिय क्रिकेटको घोषणा गरिएको छ ।
उप कप्तान रावल रहेको टोलीमा रुबिना क्षेत्री, सिता राना मगर, अश्मिना कर्मचार्य, काजल श्रेष्ठ, कन्चन श्रेष्ठ, सोमु विष्ट, पुजा महतो, रोमा थापा, संगिता राई, खुसी डंगोल, सम्झना खड्का र सोनी पाख्रिनलाई रहेका छन् ।
नोभेम्बर १५ देखि १९ सम्म हङकङमा हुने सिरिजमा नेपालको महिला टिमले प्रतिस्पर्धा गर्नेछ ।
Published Date: 09 November 2023
