काठमाडौं, असार १२। आइसिसी विश्वकप २०२३ को ट्रफी नेपाल नआउने भएको छ । अन्तर्राष्ट्रिय क्रिकेट परिष्द(आइसिसी) ले विश्वकप २०२३ को ट्रफी भ्रमणको तालिका सार्वजनिक गरेको छ ।
२७ जुन देखी १४ जुलाई सम्म भारतमा भ्रमण हुनेछ । यस पटक विश्वकप ट्रफी विश्वका १८ देशमा भ्रमण गराइनेछ । कुवेत, बहराइन, मलेसिया, अमेरिका, नाइजेरिया, युगान्डा, फ्रान्स, इटाली, न्युजिल्यान्ड, अष्ट्रेलिया, पपुवा न्युगिनी, भारत, वेस्टइन्डिज, पाकिस्तान, श्रीलंका, बंगलोदश र दक्षिण अफ्रिका गरि १८ देशमा भ्रमण गराइनेछ । विभिन्न देश भ्रमण गरेर ४ सेप्टेम्बरमा भारतमा आएर समाप्त हुनेछ ।
तर नेपाल आउने भने तालिका छैन । यसअघि २०१९ को विश्वकपमा नेपालमा विश्वकप ट्रफी भ्रमणमा ल्याएको थियो । काठमाडौं र पोखरामा लगेर राखिएको थियो । त्यस्तै २०२२ को टि२० विश्वकपको ट्रफी नेपालमा ल्याउँदै विभिन्न स्थानमा प्रदर्शनमा राखिएको थियो ।
विश्वकप ट्रफी विश्वभर समर्थक सामु प्रदर्शनमा राखिने गरिन्छ । २०२३ को विश्वकप ५ अक्टोबर देखी १९ नोभेम्बर सम्म भारतमा हुनेछ । १० टोली सहभागी प्रतियोगिता लिगको आधारतमा हुनेछ ।
विश्वकप खेल्ने ८ टोली (भारत, पाकिस्तान, बंगलोदश, अफगानिस्तान, अष्ट्रेलिया, इंग्ल्यान्ड, न्युजिल्यान्ड र दक्षिण अफ्रिका) पक्का भएको छ । अव दुई टोली छनोटबाट आउने छन् ।
जिम्बावेमा जारी विश्वकप छनोटको सुपर सिक्समा नेदरल्यान्ड्स वेस्टइन्डिज, जिम्बावे, श्रीलंका, स्कटल्यान्ड र ओमान मध्य शीर्ष दुई टोली विश्वकपमा आउनेछन् ।
Published Date: 27 June 2023
