नगरकोट, जेठ २७ । काठमाडौँबाट करिब ३२ किलोमिटर पूर्वमा पर्ने नेपालकै सबैभन्दा लोकप्रिय पर्यटकिय गन्तव्य मध्यको एक गन्तव्य हो नगरकोट। भक्तपुर जिल्लाको चाँगुनारायण नगरपालिकामा अवस्थित यस पर्यटकिय क्षेत्रमा देश तथा विदेशबाट दैनिक धेरै जना पर्यटकहरु आउने गर्छन्।
नगरकोट जाने बाटो मै रहेको तेलकोटबाट केहि मिनेट माथि पुग्दा हामीले देख्न सक्छौं हाल सालै निर्मित झोलुङ्गे पुल “रानी झुला”।
चाँगुनारायण नगरपालिका वडा नम्बर ६ र ७ लाई जोड्ने नव निर्मित बास्तोला गाउँ वन पधेरो झोलुङ्गे पुल रानी झुलाको उद्घाटन यहि वि सं २०८० सालको जेठ महिनामा भएको हो ।
२५० मिटर लामो पुल १ करोड ६७ लाखको लागतमा निर्माण भएको जानकारीमा छ।
यस रानी झुला झोलुङ्गे पुल नगरपालिकाको पर्यटकिय सौन्दर्यता मात्र नभई आर्थिक आर्जनको पाटो पनि हुने मा कुनै दुईमत नहोला। नगरकोट को काखमा अवस्थित यस झोलुङ्गे पुलमा आजभोलि अरु दिनमा भन्दा शनिबार झन् धेरै आन्तरिक तथा बाहय पर्यटकको भीड लाग्ने गरेको स्थानीयहरु बताउँछन्।
