काठमाडौं, साउन ६ । निर्देशक तथा अभिनेत्री दीपा श्री निरौलाको ब्रेन ट्युमरको सफल शल्यक्रियापछि स्वास्थ्यमा उल्लेखनीय सुधार आएको छ। चिकित्सकको सल्लाहअनुसार उनी भोलि अस्पतालबाट डिस्चार्ज हुने तयारीमा छिन्।
अभिनेता दीपकराज गिरीले दीपालाई ब्रेन ट्युमर भएको खबरले आफूहरूलाई चिन्तित बनाएको भए पनि शल्यक्रिया सफल भएपछि अहिले स्वास्थ्य अवस्था राम्रो रहेको बताए।
यस घटनापछि नियमित स्वास्थ्य परीक्षणप्रति सबै सचेत हुनुपर्ने भन्दै उनले आवश्यक परे चिकित्सकको सल्लाहअनुसार समय–समयमा टाउकोको एमआरआई समेत गराउन आग्रह गरेका छन्।
Published Date: 22 July 2026
