काठमाडौ, साउन ४ । आज सेयरबजार परिसूचक नेप्से ४१.७० अंकले बढेर २ हजार ७१९.२४ विन्दुमा कायम भएको हो । आजको वृद्धिपछि नेप्से असार १ यताकै उच्च विन्दुमा पुगेको हो ।
असार एक गते नेप्से २७११.७६ विन्दुमा थियो । त्यसयता नेप्सेले यो विन्दु पार गर्न सकेको थिएन । सेयरबजारमा बढ्दो निराशाप्रति चासो राख्दै प्रधानमन्त्री बालेन्द्र शाहले नेपाल धितोपत्र बोर्ड, नेप्से, ब्रोकर, लगानीकर्ता संघ लगायतका प्रमुख तथा प्रतिनिधिसंग छलफल गरेका थिए ।
आज सेयरबजारमा ३४३ कम्पनीका सेयर कारोबार भएका छन् । यी मध्ये २३९ कम्पनीका सेयरमूल्य बढेका छन् भने ३२ कम्पनीका सेयरमूलयमा गिरावट आएको छ । आज कुल १ करोड २२ लाख ४५ हजार ३३७ कित्ता सेयर ५ अर्ब ५१ करोड २६ लाख ८९ हजार रुपैयाँमा किनबेच भएको छ ।
कारोबार रकम शुक्रबारको तुलनामा २०.४९ प्रतिशतले बढी हो । आज सेयरबजारमा सूचीकृत समूहका समूहगत परिसूचकमा म्युचुअल फण्ड समूहको परिसूचक मात्रै ओरालो लागेको छ । बाँकी सबै समूहका परिसूचक सकारात्मक रहेका छन् । सबैभन्दा धेरै उत्पादनशील तथा प्रशोधन समूहको परिसुचक ३.२१ प्रतिशतले बढेको छ ।
एभरेष्ट कलर लिमिटेड, रिज लाईन इनर्जी लिमिटेड तथा श्रीनगर एग्रीटेक इन्ड्रष्टीजका सेयरधनीले सबैभन्दा बढी कमाउका छन् । सबैभन्दा बढी गुमाउनेमा भने आत्मनिर्भर लघुवित्त वित्तीय संस्था, कर्पोरेट डेभलपमेन्ट बैंक तथा लक्ष्मी उन्नति कोषका सेयरधनी रहेका छन् ।
Published Date: 20 July 2026
