काठमाडौँ, जेठ १२ । आज सेयरबजार परिसूचक नेप्सेमा गिरावट आएको छ । आज नेप्से ९.२४ अंकले घटेर २ हजार ७७७.१० विन्दुमा कायम भएको छ । आज सेयरबजारमा ३४२ कम्पनीका सेयर कारोबार भएका छन् । यी मध्ये ६९ कम्पनीका सेयरमूल्य सकारात्मक रहेका छन् भने १९० कम्पनीका सेयरमूल्यमा गिरावट आएको छ ।
आज कुल १ करोड १८ लाख ७२ हजार ५०७ कित्ता सेयर ४ अर्ब ८५ करोड ४४ लाख ४४ हजार रुपैयाँमा किनबेच भएको छ । कारोबार रकम सोमबारको तुलनामा १९ प्रतिशतले कमी हो । सेयरबजारमा सूचीकृत समूहमध्ये म्युचुअल फण्ड तथा निर्जीवन बीमा समूहको परिसूचक मात्रै सकारात्मक रहेका छन् ।
अरु बाँकी सबै समूहका परिसूचकमा गिरावट आएको छ । सबैभन्दा धेरै लगानी समूहको परिसूचक ०.६९ प्रतिशतले घटेको छ । कालिञ्चोक हाइड्रोपावर कम्पनी, खुतेली बरेखी स्मल हाइड्रोपावर कम्पनी तथा त्रिशुली जलविद्युत कम्पनीका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने सुपर खुदी हाइड्रोपावर कम्पनी, ग्रीन डेभलपमेन्ट बैंक तथा आत्मनिर्भर लघुवित्त वित्तीय संसथाका सेयरधनी रहेका छन् ।
Published Date: 26 May 2026
