काठमाडौँ, वैशाख ९ । विश्वकै ठूलो कन्डम उत्पादक कम्पनी कारेक्सले इरान युद्धका कारण कच्चा पदार्थको आपूर्ति अवरुद्ध हुँदा कन्डमको मूल्य ३० प्रतिशत वा त्यसभन्दा बढीले बढ्न सक्ने जनाएको छ।
कम्पनीका प्रमुख गो मीआ किअटका अनुसार युद्धपछि उत्पादन लागत र ढुवानी खर्च बढेको छ, जसले आपूर्ति प्रभावित बनाएको छ। स्ट्रेट अफ होर्मुज अवरुद्ध हुँदा तेल र पेट्रोकेमिकल आपूर्ति प्रभावित भएकाले कन्डम उत्पादनमा प्रयोग हुने सामग्रीको अभाव देखिएको छ।
कारेक्सले वार्षिक पाँच अर्बभन्दा बढी कन्डम उत्पादन गर्छ र ‘ड्यूरेक्स’ तथा ‘ट्रोजन’ जस्ता ब्रान्डलाई पनि आपूर्ति गर्छ। कम्पनीका अनुसार अनिश्चितताको समयमा कन्डमको माग झन्डै ३० प्रतिशतले बढेको छ।
