काठमाडौँ, फागुन २५ । नेपाली बजारमा आज (सोमबार) सुनको मूल्य उल्लेख्य रूपमा घटेको छ। नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा ३ हजार ७ सय रुपैयाँले घटेर ३ लाख १३ हजार २०० रुपैयाँ कायम भएको छ।
यसअघि आइतबार छापावाला सुन ३ लाख १६ हजार ९ सय रुपैयाँ प्रतितोलामा कारोबार भएको थियो।
सुनसँगै चाँदीको मूल्य पनि आज घटेको छ। महासंघका अनुसार चाँदीको मूल्य प्रतितोला ६५ रुपैयाँले घटेर ५ हजार ४१० रुपैयाँ कायम भएको छ।
अन्तर्राष्ट्रिय बजारको उतारचढावसँगै नेपाली बजारमा पनि सुन–चाँदीको मूल्यमा दैनिक परिवर्तन देखिँदै आएको छ।
Published Date: 09 March 2026
