भक्तपुर, फागुन २२ । प्रतिनिधि सभा निर्वाचन २०८२ अन्तर्गत भक्तपुर क्षेत्र नं. २ मा मतगणना जारी रहँदा प्रतिस्पर्धा रोचक बन्दै गएको छ।
पछिल्लो मतपरिणामअनुसार राष्ट्रिय स्वतन्त्र पार्टीका उम्मेदवार राजीव खत्री १४०० मतसहित अग्रस्थानमा रहेका छन्। उनलाई नेकपा (एमाले) का महेश बस्नेतले २०० मतान्तरले पछ्याइरहेका छन्।
त्यसैगरी नेपाली कांग्रेसका कविर राणा १७१ मतसहित तेस्रो स्थानमा रहेका छन्। नेपाल मजदुर किसान पार्टीका रमेश वैद्यले १३८ मत प्राप्त गरेका छन् भने उज्यालो नेपाल पार्टीका उम्मेदवार जित राम लामाले हालसम्म ३७ मत प्राप्त गरेका छन्।
भक्तपुर–२ मा मतगणना जारी रहेको र आगामी परिणामले प्रतिस्पर्धालाई थप रोचक बनाउने अनुमान गरिएको छ।
Published Date: 06 March 2026
